തദ്ദേശ സ്ഥാപനങ്ങളിലെ പരാതി പരിഹാര സംവിധാനങ്ങൾ
തദ്ദേശ സ്ഥാപനങ്ങളിലെ ജനപ്രതിനിധികൾക്കോ ഉദ്യോഗസ്ഥർക്കോ എതിരെയുള്ള അഴിമതി, ക്രമക്കേട്, അധികാര ദുരുപയോഗം, കർത്തവ്യവിലോപം എന്നിവയെക്കുറിച്ച് പരാതി നൽകാനുള്ള ഉയർന്ന ജുഡീഷ്യൽ സംവിധാനമാണ് തദ്ദേശ ഓംബുഡ്സ്മാൻ.
പ്രത്യേകത: ഹൈക്കോടതി ജഡ്ജിയുടെ പദവിയുള്ള വ്യക്തിയാണ് ഇതിന്റെ തലവൻ.
പഞ്ചായത്ത് ഭരണസമിതിയോ സെക്രട്ടറിയോ എടുക്കുന്ന തീരുമാനങ്ങൾ, ഉത്തരവുകൾ, ലൈസൻസ് നിഷേധിക്കൽ, കെട്ടിട നിർമ്മാണ പെർമിറ്റ് റദ്ദാക്കൽ തുടങ്ങിയവക്കെതിരെ അപ്പീൽ നൽകാനുള്ള നിയമപരമായ സംവിധാനം ആണ് തദ്ദേശ ട്രൈബ്യൂണൽ.
പ്രത്യേക അധികാരം: അസാധാരണ തിരുത്തൽ അധികാരവും ഉണ്ട്.
പഞ്ചായത്ത് സേവനങ്ങളിൽ ഉണ്ടാകുന്ന കാലതാമസമോ മറ്റ് ബുദ്ധിമുട്ടുകളോ ഓൺലൈനായി നേരിട്ട് മുഖ്യമന്ത്രിയുടെ ശ്രദ്ധയിൽപ്പെടുത്താം.
പോർട്ടൽ വഴി നൽകുന്ന പരാതികൾ സമയബന്ധിതമായി പരിഗണിക്കുന്നതിനും തീർപ്പാക്കുന്നതിനുമുള്ള നടപടികൾ സ്വീകരിക്കുന്നു.
തദ്ദേശ വകുപ്പിന്റെ ഓൺലൈൻ ഏകജാലക സംവിധാനമാണ് കെ-സ്മാർട്ട്.
പഞ്ചായത്ത് ഓഫീസിൽ നേരിട്ട് പോകാതെ തന്നെ വിവിധ സേവനങ്ങളുമായി ബന്ധപ്പെട്ട പരാതികൾ ഓൺലൈനായി സമർപ്പിക്കാനും അതിന്റെ തത്സമയ പുരോഗതി (Track Status) അറിയാനും സാധിക്കും.
പഞ്ചായത്ത് ഓഫീസുകളിൽ നടക്കുന്ന സാമ്പത്തിക കൈക്കൂലി ആവശ്യപ്പെടൽ, സാമ്പത്തിക ക്രമക്കേടുകൾ, സർക്കാർ ഫണ്ട് ദുരുപയോഗം തുടങ്ങിയ വിഷയങ്ങൾ അന്വേഷിക്കുന്നതിനായി വിജിലൻസ് ആന്റ് ആന്റി കറപ്ഷൻ ബ്യൂറോയിൽ നേരിട്ട് പരാതി നൽകാം.
പ്രാഥമികമായ തർക്കങ്ങൾ, അപേക്ഷകളിലെ താമസം എന്നിവയ്ക്ക് ആദ്യം ഇവർക്ക് നേരിട്ട് പരാതി നൽകുക.
പഞ്ചായത്ത് തലത്തിൽ പരിഹാരം ലഭിച്ചില്ലെങ്കിൽ ജില്ലാ മേൽനോട്ട അധികാരികൾക്ക് പരാതി നൽകാം.
ഓംബുഡ്സ്മാൻ
ട്രൈബ്യൂണൽ
ഉദ്യോഗസ്ഥർ മനപ്പൂർവ്വം നിയമ ലംഘിക്കുകയോ, അഴിമതി കാണിക്കുകയോ, അന്യായ സേവനങ്ങൾ നിഷേധിക്കുകയോ ചെയ്താൽ ഈ നിയമപരമായ സംവിധാനങ്ങളെ സമീപിക്കാം.